ایس پی کا گاؤں گاؤں چوپال لگانے اور انتخابی حکمت عملی پر تبادلہ خیال

سماج وادی پارٹی نوئیڈا رورل کی ایک اہم میٹنگ دیہی ضلع صدر مہیندر یادو کی صدارت میں سیکٹر 12 نوئیڈا اتر پردیش میں منعقد ہوئی، جس میں آئندہ اسمبلی انتخابات کے پیش نظر گاؤں گاؤں چوپال کا اہتمام کرکے سماج وادی پارٹی کی پالیسیوں کو عوام تک پہنچانے کا فیصلہ کیا گیا۔

نوئیڈا: مقامی امور پر تفصیلی بات چیت کے ساتھ ساتھ اسمبلی انتخابات کی حکمت عملی پر بھی تبادلہ خیال کیا گیا۔ اس موقع پر دیہی ضلع صدر مہیندر یادو نے کہا کہ سماج وادی پارٹی کے دور حکومت میں نوئیڈا سمیت پورے اتر پردیش میں ہمہ جہت ترقی ہوئی۔ بی جے پی حکومت نے پوری ریاست کو برباد کرنے کا کام کیا۔ نوجوان بے روزگار، غریب مزدور، کسان سب پریشان ہیں۔ ریاست کے عوام بی جے پی حکومت سے آزادی چاہتے ہیں۔

ایس پی کا گاؤں گاؤں چوپال لگانے اور انتخابی حکمت عملی پر تبادلہ خیال

اس موقع پر ضلع جنرل سکریٹری اور ترجمان راگھویندر دوبے نے کہا کہ سماج وادی پارٹی نوئیڈا رورل نومبر سے ہر گاؤں میں جا کر ایک چوپال لگائے گی جس میں عوام کو ایس پی حکومت کی کامیابیوں اور بی جے پی کی ناکامیوں سے واقف کرایا جائے گا۔ حکومت تمام کارکنوں کا ایک مقصد اکھلیش یادو کو دوبارہ اتر پردیش کا وزیر اعلیٰ بنانا ہے۔ بی جے پی حکومت نے صرف سماج میں نفرت پھیلانے کا کام کیا، جب کہ اکھلیش یادو کے دور حکومت میں نوئیڈا نے بہت ترقی کی ۔ اتر پردیش کے عوام بی جے پی حکومت سے مایوس ہو چکے ہیں۔ پوری ریاست میں ایس پی کی لہر چل رہی ہے۔

ایس پی کا گاؤں گاؤں چوپال لگانے اور انتخابی حکمت عملی پر تبادلہ خیال

اس موقع پر دیویندر اوانہ، دیویندر گجر، انیل پنڈت، مکیش پردھان، محمد تسلیم، اتل شرما ایڈوکیٹ، پھول سنگھ نمبردار، تنویر حسین، ممتاز عالم،حاجی علی شیر،سویتا گلاٹی، سریندر گوتم، ستپال نگر، چنٹو تیاگی، ویرپال آوانہ، مونو کھاری، وپن چوہان،، وغیرہ موجود تھے۔ راہل تیاگی، للتی یادو، موہت یادو، ستویر گوتم، راجیو یادو، نوین یادو سمیت تمام پارٹی لیڈران موجود تھے۔