سونیا گاندھی نے شانتی ون پہنچ کر نہرو کو خراج عقیدت پیش کیا

ملک کے پہلے وزیر اعظم پنڈت جواہر لال نہرو کے یوم پیدائیش کے موقع پر کانگریس صدر سونیا گاندھی نے شانتی ون پہنچ کر ان کی یادگار پر خراج عقیدت پیش کیا۔

نئی دہلی:کانگریس صدر سونیا گاندھی نے ملک کے پہلے وزیر اعظم پنڈت جواہر لال نہرو کو آج ان کی یوم پیدائش پر ان کی یادگار شانتی ون میں خراج عقیدت پیش کیا۔

سونیا گاندھی نے پنڈت نہرو کی سمادھی پر پھول چڑھائے اور انہیں خراج عقیدت پیش کیا۔ وہ کارکنوں کے درمیان بھی گئیں اور امن کی علامت کے طور پر غبارے اڑائے۔
اس سے قبل پنڈت نہرو کو ان کے اقتباس کے ساتھ یاد کرتے ہوئے کانگریس کے سابق صدر راہل گاندھی نے ٹویٹ کیا ’’ہمیں جو چاہئے وہ ہے امن کے ماحول کی اگلی نسل: پنڈت جواہر لال نہرو۔ ہندوستان کے پہلے وزیر اعظم کو یاد کرتے ہوئے جنہوں نے سچائی، اتحاد اور امن کو بہت زیادہ اہمیت دی۔
یہ بھی پڑھیں:

کانگریس کی اتر پردیش کی جنرل سکریٹری انچارج پرینکا گاندھی واڈرا نے بھی پنڈت نہرو کے ایک قول کا حوالہ دیتے ہوئے کہا ’’ہندوستان کی سرزمین پر پھیلے ہوئے تمام ہندوستانی سب سے زیادہ اہمیت رکھتے ہیں۔ مادر ہند کے یہی کروڑوں کروڑ لوگ ہیں اور بھارت ماتا کی جئے اس کی سرزمین پر رہنے والوں کی جئے ہے: پنڈت جواہر لال نہرو۔ بھارت ماتا کی جئے میں کسان کی جئے، جوان کی جئے، مزدور کی جئے ہے۔‘‘

(یو این آئی)