Delhi Riots: دہلی فساد کے چھ ملزمان پر دس دس ہزار روپے کا جرمانہ

دہلی تشدد معاملے میں ککڑڈوما عدالت نے چھ ملزمین پر سی سی ٹی وی فوٹیج کے بارے میں اطلاع نہیں دینے کے معاملے میں دس دس ہزار روپیے کا جرمانہ عائد کیا ہے Cucumber court fined the accused۔

دہلی کی ککڑڈوما کورٹ نے دہلی فساد کے چھ ملزمین کو چارج شیٹ اور سی سی ٹی وی کی پین ڈرائیو فراہم کرنے کے بارے میں عدالت کو اطلاع نہ دینے پر ہر ایک پر دس دس ہزار روپے کا جرمانہ عائد کیا ہے۔ یہ حکم چیف میٹروپولیٹن مجسٹریٹ ارون کمار گرگ نے دیا ہے Court Imposes Fine in Delhi Violence۔

جن ملزمین پر جرمانہ عاید کیا گیا ہے ان میں فیروز خان، اقبال، ذاکر، شاکر، سراج الدین اور انس شامل ہیں۔ عدالت نے جرمانے کی یہ رقم ایک ہفتے کے اندر جمع کرانے کی ہدایت دی ہے۔

دراصل ان ملزمان نے عدالت کو بتایا تھا کہ انہیں تفتیشی افسر نے پین ڈرائیو نہیں دی تھی، جبکہ تفتیشی افسر نے پین ڈرائیو ان کے حوالے کرنے کی بات کہی تھی۔ ملزم کی اطلاع پر عدالت نے تھانہ نیو عثمان پور کے ایس ایچ او سے بھی جواب طلب کیا تھا۔

عدالت نے کہا کہ تفتیشی افسر کو ملزمان کو پین ڈرائیوز دینے کے بارے میں سماعت سے ایک دن پہلے عدالت کو آگاہ کرنا چاہیے تھا۔ اس وجہ سے عدالت نے متعلقہ ایس ایچ او کو شوکاز نوٹس بھی جاری کیا تھا۔