دارالحکومت دہلی کے فصیل بند شہر کے تمام گلی محلے رمضان المبارک کی آمد سے روشن ہیں۔ بازاروں میں خریدار قطار لگا کر خریدو فروخت میں مشغول ہیں۔ رمضان المبارک کا یہ نظارہ دو برس بعد کووڈ 19 کی رہنما ہدایات کے بغیر دیکھنے کو ملا ہے۔
رمضان المبارک کے دوران پرانی دہلی کے علاقوں میں اس طرح کے نظارے عام بات ہیں چاہے وہ جامع مسجد ہو یا چتلی قبر فصیل بند شہر کے یہ وہ علاقے ہیں جہاں عام طور پر بازار بند ہو جانے کے باوجود رات تک چہل پہل ہمیشہ رہتی ہے لیکن رمضان شروع ہوتے ہی بازاروں کے کھلے رہنے سے رونق میں مزید اضافہ ہو جاتا ہے۔
رمضان المبارک نے پرانی دہلی کے بازاروں کی رونق دوبالا کردی یہ بھی پڑھیں:
جیسے جیسے تراویح کا دور ختم ہوتے جاتے ہیں ویسے ویسے جامع مسجد کے بازار میں رونقیں دوبالا ہونے لگتی ہے بازاروں کی یہ رونقیں دن شروع ہونے سے لے کر سحری تک رہتی ہیں البتہ ہوٹلوں کے باہر افطار کے بعد سے ہی لوگوں کاہجوم پہنچنا شروع ہو جاتا ہے۔
ای ٹی وی بھارت کے نمائندے نے شاہی جامع مسجد کے پہلو میں واقع قدیمی بازار کے دکانداروں سے بات کی جس میں دکانداروں کا کہنا تھا بازار میں رونقیں تو بحال ہو گئیں ہیں البتہ خریدار مہنگائی سے پریشان ہیں۔ مہنگائی کی وجہ سے خریدار پہلے ضروری اشیا کی ہی خریداری کر رہا ہے۔
