دہلی و این سی آر میں بارش سے موسم خوشگوار

دہلی و این سی آر میں آج شام سوا چھ بجے کے قریب تیز ہوا کے ساتھ بارش ہوئی جس سے موسم خوشگوار ہوگیا۔

اطلاع کے مطابق دہلی و این سی آر میں رہنے والے لوگوں کو آج تیز گرمی سے اس وقت راحت ملی جب شام کے وقت تیز ہوا اور گرج کے ساتھ بارش ہورہی ہے۔ بارش کی وجہ سے موسم خوشگوار ہوگیا ۔

بارش سے قبل آندھی اتنی زبردست تھی کہ آسمان تک ابر آلود ہوگیا اور اندھیرا سا چھاگیا۔ لاک ڈاؤن ہونے کی وجہ سے سڑکوں پر ٹریفک نہیں ہے اس لیے جام کی حالت کہیں دیکھنے کو نہیں ملی۔ گرمی اتنی زبردست تھی کہ بارش ہوتے ہی سڑکوں کے پانی خشک ہوگئے ۔ تادم تحریر بارش جاری ہے۔