راہل نے فوج کی بہادری کو کیا سلام

کانگریس کے سابق صدر راہل گاندھی نے 1971 میں بنگلہ دیش کو آزاد کرانے میں بھارتی فوج کی بہادری کو سلام کرتے ہوئے کہا کہ اس وقت ملک کی قیادت مضبوط ہاتھوں میں تھی اور ہمسایہ ملک سرحد کی خلاف ورزی کرنے سے ڈرتے تھے۔

راہل گاندھی نے ٹویٹ کیا کہ 'سنہ 1971 میں بھارت کی پاکستان پر تاریخی فتح کے جشن کے موقع پر ملک کے باشندوں کو مبارکباد اور فوج کی بہادری کو سلام۔'

انہوں نے کہا کہ 'یہ اس وقت کی بات ہے جب بھارت کے ہمسایہ ممالک بھارت کی وزیر اعظم کا لوہا مانتے تھے اور ہمارے ملک کی سرحد کی خلاف ورزی کرنے سے ڈرتے تھے۔'

واضح رہے کہ بھارت اور پاکستان کے مابین 1971 میں 13 دن جاری رہی جنگ کے بعد 16 دسمبر کو پاکستانی فوج نے بھارتی فوج کے سامنے غیر مشروط ہتھیار ڈال دیے اور بنگلہ دیش آزاد ہوا تھا۔ محترمہ اندرا گاندھی اس وقت ملک کی وزیر اعظم تھیں۔

یو این آئی