قومی دارالحکومت دہلی میں قائم ایمس کی نرسز یونین کے اراکین نے اپنے کچھ مطالبات کو لے کر گزشتہ روز اسپتال کے احاطے میں احتجاج کیا تھا لیکن انتظامیہ کی جانب سے ابھی تک کوئی جواب نہیں آیا ہے۔
وہیں نرسز یونین کا کہنا ہے کہ جب تک ان کی مانگیں پوری نہیں کی جائیں گی ان کا دھرنا اور احتجاج جاری رہے گا۔
نرسز یونین کے چیئرمین ہریش کا کہنا ہے کہ گزشتہ روز انہوں نے اپنے مطالبات کے سلسلے میں دھرنا اور احتجاج کیا تھا لیکن ان کے مطالبات پورے نہیں کیے گئے، لہٰذا وہ اس وقت تک یہ دھرنا جاری رکھیں گے جب تک ان کے مطالبات تسلیم نہیں کرلیے جاتے ہیں۔
واضح رہے کہ نرسز یونین کے مطالبات میں کوویڈ متاثرہ علاقوں میں پی پی ای کے ساتھ چار گھنٹے کی ڈیوٹی کا نفاذ، خواتین کے تحفظ سمیت ریسٹ ہاؤس سے متعلق مسائل، کوویڈ اور غیرکووڈ علاقوں کے درمیان یکساں روٹیشن کی پالیسی، صحت کے کارکنوں کے لئے مناسب رسپانس سسٹم کا قیام، ڈفنگ کے بعد استراحت جیسے متعدد مطالبات شامل ہیں۔