سی اے بی کے خلاف جامع مسجد چوک پر مظاہرہ

قومی شہریت ترمیمی بل کے خلاف آج قومی دارالحکومت دہلی میں جگہ جگہ مظاہرے کیے گئے۔ دہلی کی جامعہ مسجد چوک پر جمعے کی نماز کے بعد احتجاج کیا گیا۔

اس موقع پر کانگریس رہنما الکا لامبا، مدت اگروال اور شوعیب اقبال نے مظاہرے کے ساتھ لوگوں کو خطاب کیا۔

مظاہرین نے مودی حکومت کے خلاف نعرے بازی کی اور قومی شہریت ترمیم بل واپس لینے کا مطالبہ کیا۔

سابق رکن اسمبلی الکا لامبا نے کہا کہ قومی شہریت ترمیمی بل میں پہلے بھی نو بار ترمیم کیا گیا ہے۔ انہوں نے کہا کہ پہلے بھی ہمیں لگا تھا کہ یہ بل آسام اور شمال مشرقی ریاستوں کے لیے ہے لیکن جب یہ بل لایا گیا تو پتہ چلا کہ یہ پورے ملک کے لیے ہے۔مدت اگروال نے عوام کو خطاب کرتے ہوئے کہا کہ مودی حکومت اس ملک کو ایک خاص طبقے کے لیے بنانا چاہتی ہے۔ یہ ملک تمام مذاہب کا ہے۔سابق رکن اسمبلی شعیب اقبال نے کہا کہ آزاد بھارت میں ایسا پہلے کھبی نہیں جیسا مودی حکومت میں ہو رہا ہے۔