من مانی فیس لینے سے باز آیا نجی ہسپتال

ای ٹی وی بھارت کی کورونا مریضوں کے نجی ہسپتال میں علاج کے لئے من مانی فیس لینے کی خبروں کا اثر پڑا ہے۔ سروج ہسپتال نے وائرل سرکلر کی شرح پر علاج سے متعلق وضاحت پیش کی ہے۔ ہسپتال کا کہنا ہے کہ وہ دہلی حکومت کے نظر ثانی شدہ نرخ کے مطابق بل وصول کریں گے۔

نجی شعبے کے سروج ہسپتال کے نام سے ایک پوسٹ پھر وائرل ہو رہی ہے۔ اس پوسٹ میں یہ دعوی کیا گیا ہے کہ ہسپتال کی شرح کے بارے میں وائرل ہونے والا سرکلر پرانا تھا اور پینل کے مریض کے لئے تھا۔

ہسپتال نے 8 جون سے کورونا مریضوں کا علاج شروع کیا ہے۔ اور علاج کی فیس اتنی ہی لی جائے گی جتنی دہلی حکومت نے نجی ہسپتالوں کے لئے مقرر کی ہے۔ اگرچہ اس وائرل پوسٹ کی تصدیق ہسپتال کی طرف سے نہیں کی گئی ہے، لیکن اس میں دی گئی معلومات کو درست بتایا گیا ہے۔

من مانی فیس لینے سے باز آیا نجی ہسپتال

بتادیں کہ ایک دن پہلے ہی اس ہسپتال کے نام سے ایک سرکلر سوشل میڈیا پر وائرل ہوا تھا۔ اس سرکلر میں بتایا گیا تھا کہ اگر اس ہسپتال میں کسی کورونا مریض کا علاج ہوتا ہے تو مریض چاہے اسے ہسپتال میں کتنے دن داخل کرایا جائے، اسے کم سے کم 3 لاکھ روپے ادا کرنا پڑے گا۔ اسی کے ساتھ ہی مریض کو داخلے سے قبل 4 لاکھ روپے ایڈوانس کے طور پر جمع کروانا ہو گا۔ یہ فیس عام مریضوں کے لئے تھی۔ سنگل روم اور آئی سی یو کی شرحیں اس سے کہیں زیادہ تھیں۔

من مانی فیس لینے سے باز آیا نجی ہسپتال