وزیر اعظم نریندر مودی نے ایک دن پہلے لال قلعہ پر منعقدہ 75ویں یوم آزادی کی تقریبات میں کھلاڑیوں کو مدعو کیا تھا۔ اپنی تقریر میں مسٹر مودی نے کھلاڑیوں کی تعریف کی اور ملک سے ان کی ستائش کرنے کی اپیل کی۔
ہندوستانی دستے نے ٹوکیو میں ریکارڈ سات تمغے جیت کر لندن اولمپکس میں اپنے پچھلے بہترین کارکردگی کو پیچھے چھوڑ دیا۔ جیولن پھینکنے والے نیرج چوپڑا نے 13 سال کے وقفے کے بعد ہندوستان کو پہلا اولمپک طلائی تمغہ دلایا۔
مسٹر مودی نے خاص طور پر نیرج سے علیحدہ سے ملاقات کی اور ان کے ساتھ تصاویر کھینچوائیں۔ وزیر اعظم نے کشتی میں چاندی اور کانسے کے تمغے جیتنے والی ہندوستانی ریسلنگ ٹیم کے ساتھ بھی علیحدہ سے ملاقات کی۔ تصاویر میں تمغہ جیتنے والے روی کمار دہیا اور بجرنگ پونیا مسٹر مودی کے دونوں طرف نظر آرہے ہیں۔ روی نے چاندی اور بجرنگ نے ٹوکیو میں کانسے کا تمغہ جیتا۔