پرکاش امبیڈکر نے وزیر اعظم سے استعفیٰ کا مطالبہ کیا

دہلی یونیورسٹی میں ایک پروگرام کے دوران سابق رکن پارلیمنٹ پرکاش امبیڈکر نے وزیر اعظم نریندر مودی اور آر ایس ایس کو شدید نشانہ بنایا۔ اسی دوران دہلی پر تشدد کا الزام وزیر اعظم پر عائد کرتے ہوئے ان سے استعفیٰ کا مطالبہ بھی کیا۔

پرکاش امبیڈکر نے کہا کہ سی اے اے کے نفاذ کے ساتھ ہی اس کا سب سے زیادہ نقصان مسلمانوں کے ساتھ ہندوؤں کو بھی ہوگا اور 40 فیصد سے زیادہ ہندوؤں کو بھی شہریت سے محروم کیا جاسکتا ہے۔ کیونکہ ہندوستان میں قبائلی آبادی جو ہندوستان کی کل آبادی کا 15 فیصد ہے، وہ کبھی بھی ایک جگہ پر نہیں رکتا ہے اور نہ ہی کسی قبائلی کے پاس کسی قسم کا دستاویز موجود ہے۔ ایسی صورتحال میں ان کی شہریت کا کیا ہوگا؟

سابق رکن پارلیمنٹ پرکاش امبیڈکر نے آر ایس ایس اور وزیر اعظم نریندر مودی کو مورد الزام ٹھہرایا اور کہا کہ یہ لوگ سی اے اے کو اپنے مفادات کی تکمیل کے لیے استعمال کررہے ہیں۔ پرکاش امبیڈکر نے دہلی میں ہونے والے فسادات کے لیے وزیر اعظم مودی کو بھی ذمہ دار ٹھہرایا اور ان سے استعفیٰ کا مطالبہ کیا۔