پردھان منتری فصل بیمہ یوجنا کے پانچ سال پورے، وزیر اعظم نے دی مبارکباد

وزیراعظم نریندرمودی نے پی ایم فصل بیمہ یوجنا کے پانچ سال پورے ہونے پر بدھ کو اس کے سبھی فائدہ دہندگان کو مبارکباد دی۔ کسانوں کو خوشحال کرنے کی سمت میں مودی حکومت کی اس یوجنا کو 13 جنوری 2016 کو نافذ کیا گیا تھا۔ یوجنا کے تحت کسان کے تعاون کے علاوہ اضافی پریمیم کا بوجھ مرکزی اور ریاستی حکومتیں یکساں طور پر اٹھاتی ہیں۔ شمال مشرقی ریاستوں میں 90 فیصد پریمیم کی مدد مرکزی حکومت دیتی ہے۔

نریندر مودی نے یوجنا کے پانچ سال پورے ہونے پر فائدہ دہندگان کو مبارکباد دیتے ہوئے ٹویٹ کیا،’’ملک کے ان داتاؤں کو قدرتی آفات سے تحفظ مہیا کرنے والی پی ایم فصل بیمہ یوجنا کے آج پانچ سال پورے ہوگئے ہیں۔ اس یوجنا کے تحت نقصان کا کوریج بڑھنے اور جوکھم کم ہونے سے کروڑوں کسانوں کو فائدہ ہوا ہے۔ اس کے سبھی فائدہ دہندگان کو میری طرف سے بہت بہت مبارکباد۔‘‘

وزیراعظم نے ایک دیگر ٹویٹ میں لکھا،’’پی ایم فصل بیمہ یوجنا نے کیسے کسانوں کو زیادہ سے زیادہ فائدہ یقینی بنایا ہے؟دعووں کو پورا کرنے میں کیسے پوری شفافیت برتی گئی ہے؟پی ایم فصل بیمہ یوجنا سے متعلق ایسی سبھی معلومات نمو ایپ کے یور وائرس سیکشن میں رکھی گئی ہیں۔ جانیں اور شیئر کریں۔‘‘

یو این آئی