گرمی سے نجات کے لیے پولیس اہلکاروں کو چھتری

پارلیمنٹ ہاؤس کے سکیورٹی کے ڈپٹی ڈائریکٹر وی ایس چوہان نے غازی آباد میں پولیس اہلکاروں کے لئے چھتری لگوانے کی مہم شروع کی ہے، اسی ضمن میں آج وہ غازی آباد پہنچے اور جگہ جگہ کیے گئے بریکیڈ پر چھتری لگوائی۔

ان کا کہنا تھا کہ پولیس اہلکار ہمارے کورونا واریئرز ہیں اور وہ دھوپ میں مستقل طور پر کام کر رہے ہیں، پولیس اہلکاروں کو دھوپ سے بچانے کے لئے انتظامات کرنے کی کوشش کرنی چاہئے۔

وی ایس چوہان کا مزید کہنا تھا کہ جہاں پولیس اہلکار کھڑے ہیں وہاں ہم چھتری کا انتظام کرنے کی کوشش کریں گے، اس کے علاوہ پینے کے پانی کا بھی انتظام ہوگا،انہوں آگے کہا یہاں بہت سے چوراہے ہیں، جہاں سایہ نہیں ہوتا ہے، اس طرح کے چوراہوں کو بنیادی طور پر مدنظر رکھا جائے گا۔

ویسے تو کرونا واریئرز کی عزت کرنے اور ان پر پھول برسانے کے متعدد واقعات سامنے آرہے ہیں، لیکن پولیس اہلکاروں نے اس اقدام کا زبردست خیرمقدم کیا ہے،ان کا کہنا ہے کہ یہ اقدام پہلی بار ہوا ہے، کیونکہ سڑک پر دھوپ میں کھڑے ہوکر ڈیوٹی کرنا واقعی مشکل ترین ہوتا ہے، درجہ حرارت میں مسلسل اضافے کے ساتھ ساتھ مشکلات میں بھی اضافہ ہوتا جارہا ہے۔