Farm Laws Repeal: 'زرعی قوانین کی منسوخی سے بھائی چارے کا ماحول بنے گا'

گرو نانک دیو کے 552 ویں پرکاش پرو (Guru Nanak Jayanti) کے موقع پر وزیراعظم (Prime Minister Narendar Modi) کے تینوں زرعی قوانین (Farm Laws Repeal) کے منسوخ کیے جانے کے فیصلے پر بھارتیہ جنتا پارٹی (Bharatiya Janata Party) کے سینئر رہنماؤں نے انہیں مبارک باد پیش کیا اور امید ظاہر کی ہے کہ اس سے ملک میں بھائی چارے کا ماحول پیدا ہوگا۔

بھارتیہ جنتا پارٹی (BJP) نے وزیر اعظم نریندر مودی (Narendra Modi ) کے ذریعہ تینوں زرعی قوانین (Farm Laws) کے واپس لینے کے اعلان کا خیر مقدم کیا ہے اور امید ظاہر کی ہے کہ اس سے ملک میں بھائی چارے کا ماحول پیدا ہوگا۔

بی جے پی کے قومی صدر جگت پرکاش نڈا (BJP National President Jagat Prakash Nadda) نے ایک ٹویٹ میں کہا کہ 'بھارتیہ جنتا پارٹی گرو نانک دیو جی کے پرکاش اتسو کے خاص دن پر وزیر اعظم مودی کے اعلان کا گرم جوشی سے خیر مقدم کرتی ہے۔

نریندر مودی نے پھر ثابت کر دیا ہے کہ وہ کسان بھائیوں کی فلاح و بہبود کے لیے پرعزم ہیں۔ اس فیصلے سے پورے ملک میں بھائی چارے کی فضا قائم ہوگی'۔

نڈا نے کہا کہ وزیر اعظم مودی کی حکومت نے بے شمار فلاحی کام کیے ہیں۔ انہوں نے کہا کہ 'آئیے مل کر کام کرتے رہیں اور اپنے اجتماعی جذبے کے ساتھ آنے والے وقتوں میں ہندوستان کو اور بھی بلندیوں پر لے جائیں'۔

نریندر مودی نے آج صبح گرو نانک دیو کے 552 ویں پرکاش پرو کے موقع پر پانچ ریاستوں میں اسمبلی انتخابات اور پارلیمنٹ کے اجلاس کے آغاز سے قبل قوم سے اپنے خطاب میں زرعی قوانین کو واپس لینے کا اعلان کیا۔

حکومت کے اس فیصلے کا خیرمقدم کرتے ہوئے مرکزی وزیر داخلہ امت شاہ نے کہا کہ یہ قدم اٹھا کر وزیر اعظم مودی نے ایک ہنر مند سیاست دان ہونے کی شناخت ظاہر کی ہے'۔

انہوں نے کہا کہ وزیراعظم نریندر مودی کا زرعی قوانین کے بارے میں اعلان ایک خوش آئند اور مؤثر سیاسی اقدام ہے۔ جیسا کہ وزیر اعظم نے اپنے خطاب میں کہا کہ 'حکومت کسانوں کی خدمت جاری رکھے گی اور ہمیشہ ان کی کوششوں کی حمایت کرے گی۔بی جے پی کسان مورچہ کے صدر راج کمار چاہر نے کہا کہ نریندر مودی نے یقینی طور پر کسانوں کے مفادات کو مدنظر رکھتے ہوئے زرعی قوانین کو واپس لینے کا فیصلہ کیا ہے'۔

یو این آئی