زرعی قوانین کو منسوخ کرنے اور ایم ایس پی کو قانونی درجہ دینے کے مطالبے پر کساندہلی کی سرحدوں پر پچھلے 57 دنوں سے دھرنے پر بیٹھے ہیں اور یوم جمہوریہ کے دن دارالحکومت کے آؤٹر رنگ روڈ پر ٹریکٹر پریڈ نکالنے پر بضد ہیں۔
'یوم جمہوریہ پر ہمارا پروگرام طے ہے اور یہ ہر حال میں ہوگا' میٹنگ کے بعد کسان رہنماؤں نے کہا کہ' پولیس نے انہیں یوم جمہوریہ کی وجہ سے دارالحکومت میں ان کے داخلے پر پابندی لگائی ہے، جبکہ وہ دہلی میں ریلی نکالنا چاہتے ہیں' کسانوں کو پولیس کی جانب سے کڈلی مانیسر پلول ایکسپریس وے پر ریلی نکالنے کی تجویز پیش کی گئی ہے، جسے کسانوں نے ٹھکرا دیا ہے'۔
میٹنگ کے بعد کسان رہنما نے بتایا کہ' دہلی پولیس کا یہ کہنا ہےکہ' آؤٹر رنگ روڈ پر ٹریکٹر پریڈ کی اجازت دینا مشکل ہے اور حکومت بھی اس کے لئے تیار نہیں ہے، لیکن کسانوں نے کہہ دیا ہے کہ وہ رنگ روڈ پر ہی ریلی نکالیں گے۔ پولیس اور کسانوں کے درمیان کل پھرمیٹنگ ہوگی'۔
میٹنگ کے بعد کسان رہنما بلبیر سنگھ راجیوال نے نامہ نگاروں سے کہا کہ ' 26 جنوری کا ہمارا پروگرام طے ہے اور یہ ہر حال میں ہوگا۔' وہیں، سوراج انڈیا کے بانی یوگیندر یادو نے بھی کہا کہ 'کسان تنظیموں اور پولیس کے مابین جاری میٹنگ کے بعد ہم نے یہی فیصلہ کیا ہے کہ ہماری ریلی نکلے گی اور طے شدہ پروگرام کے تحت نکلے گی۔ اس میں کسی طرح کی کوئی تبدیلی نہیں ہوگی'۔
ہم آپ کو بتا دیں کہ 'دہلی پولیس نے کسانوں کی ٹریکٹر ریلی کے خلاف سپریم کورٹ سے رجوع کیا تھا، لیکن عدالت نے اس سلسلے میں کوئی حکم دینے سے منع کر دیا تھا اور کہا تھا کہ' یہ پولیس کے دائرہ اختیار میں ہے'۔
