پدم ایوارڈز کے لیے نامزدگی پندرہ ستمبر تک

ہر برس یوم جمہوریہ کے موقع پر اعلان کیے جانے والے ملک کے اعلی ترین شہری انعام پدم ایوارڈز کے لیے آن لائن نامزدگی اور سفارش آئندہ پندرہ ستمبر تک کی جا سکتی ہے۔

وزارت داخلہ نے کہا کہ 'پدم ایوارڈز کے لیے نامزدگی کی شروعات گزشتہ یکم مئی سے ہو چکی ہے اور یہ سفارش اور نامزدگی پدم ایوارڈز کے لیے بنائے گئے خصوصی پورٹل پر کی جاسکتی ہے۔'

پدم ایوارڈز میں پدم وبھوشن، پدم بھوشن اور پدم شری ملک کے اعلی ترین شہری انعامات شامل ہیں۔

سنہ 1954 میں قائم کیے گئے ان انعامات کا اعلان ہر برس یوم جمہوریہ کے موقع پر کیا جاتا ہے۔ یہ ایوارڈز آرٹ، ادب، تعلیم، اسپورٹس، میڈیکل، سماجی کام، سائنس، انجینئرنگ، عوامی معاملات، سول سروس، کاروبار اور صنعت وغیرہ کے شعبوں میں خصوصی اور غیرمعمولی حصولیابی کے لیے دیے جاتے ہیں۔ کاروبار، حیثیت یا صنف سے تعلق رکھنے والے تمام افراد بغیر کسی امتیاز کے ان انعامات کے لیے اہل ہیں۔