دہلی: ووٹنگ لسٹ سے نام غائب

ہر بار انتخابات سے قبل الیکشن کمیشن ووٹرز سے اپنے نام ووٹنگ لسٹ میں شامل کرانے کے اپیل کرتی رہی ہے۔ کچھ لوگ اپنی لاپرواہی سے اور کچھ انتظامیہ کی لاپرواہی کی وجہ سے اپنے ووٹ دینے کا حق کھو دیتے ہیں۔

دارالحکومت دہلی کے مسلم اکثریتی علاقوں کے لوگوں کا کہنا ہے کہ اکثر یہ دیکھا گیا ہے کہ ووٹرز جب اپنے حق کا استعمال کرنے جاتے ہیں تو انہیں مایوسی ہاتھ لگتی ہے۔

دراصل وہ بہت پر جوش ہو کر پولنگ اسٹیشن پر پہنچتے ہیں لیکن جب ان کا نام ہی بغیر کسی اطلاع کے فہرست الگ کر دیا جاتا ہے تو ان کا سارا جوش ٹھنڈا ہو جاتا ہے۔

اسی طرح کے کچھ لوگوں سے ای ٹی وی بھارت کے نمائندے نے بات کی اور معلوم کیا کہ اس میں غلطی کس کی ہے۔

ایک شخص نے بتایا کہ گذشتہ انتخابات میں میری بیٹے اور بھتیجی نے وؤٹ دیا تھا لیکن اس بار جب ہم پولنگ اسٹیشن پر پہنچے تو ان کا نام ہی فہرست سے غائب کر دیا گیا۔ انہوں نے بتایا کہ نہ تو ہم نے اپنا مکان تبدیل کیا ہے اور نا ہی ہمارے دستاویزات میں کوئی کمی ہے اس کے باوجود فہرست سے نام غائب ہیں۔