ملک بھرمیں چوبیس گھنٹوں کے دوران 25.54 لاکھ سے زائد لوگوں کی ٹیکہ کاری

ملک میں کووڈ ٹیکہ کاری مہم کے تحت 295 ویں دن ہفتہ کے روز 25.54 لاکھ سے زائد لوگوں کو ٹیکے لگائے گئے ہیں۔ ابھی تک مجموعی طور پر 108 کروڑ سے زیادہ لوگوں کو ٹیکے لگائے جاچکے ہیں۔

صحت اور خاندانی بہبود کی مرکزی وزارت نے دیر شام یہاں بتایا کہ ملک میں کووڈ ٹیکہ کاری مہم کے تحت شام 7 بجے تک 108 کروڑ 18 لاکھ 66 ہزار 715 کووڈ کے ٹیکے لگائے جاچکے ہیں۔ ہفتہ کے روز کووڈ ویکسین کے 25 لاکھ 54 ہزار 917 ٹیکے لگائے گئے۔

اعداد و شمار کے مطابق 73 کروڑ 93 لاکھ 22 ہزار 908 لاکھ لوگوں کو کووڈ ویکسین کی پہلی ڈوز جبکہ 34 کروڑ 25 لاکھ 43 ہزار 807 کو دوسری ڈوز دی گئی ہے۔ وزارت نے کہا ہے کہ ویکسینیشن دیر شام تک جاری رہی، اس لیے حتمی تعداد میں اضافے کا امکان ہے۔

یو این آئی