مودی حکومت کا بینکنگ نظام تباہ کرنے کا منصوبہ: کانگریس

کانگریس نے ریزرو بینک آف انڈیا (آر بی آئی) کی انٹرنل ورکنگ گروپ کی سفارش کے تحت کارپوریٹ گھرانوں کو بینک کھولنے کی اجازت دینے کو خطرناک قرار دیتے ہوئے کہا ہے کہ اس سے عوام کی محنت کی کمائی پر صنعت کاروں کا قبضہ ہو جائے گا۔

کانگریس کے سینیئر رہنما اور میڈیا سیل کے سربراہ رندیپ سنگھ سرجے والا نے منگل کے روز یہاں پریس کانفرنس میں کہا کہ بھارتیہ جنتا پارٹی (بی جے پی) کی حکومت آر بی آئی کے انٹرنل ورکنگ گروپ کی بڑے دھنہ سیٹھوں اور چنندہ صنعتکاروں کو بینک کھولنے کی اجازت دینے کی سخت مخالفت آر بی آئی کے سابق گورنر ڈاکٹر رگھورام راجن اور ڈاکٹر ورل آچاریہ نے بھی کی ہے۔

انہوں نے کہا کہ کانگریس پارٹی بھی اس تجویز کی مخالفت کرتی ہے اور ایسے کسی اقدام کو مفاد عامہ کے لیے خطرناک مانتی ہے۔ بینکنگ نظام کو مٹھی بھر دھنہ سیٹھوں کو سونپ دیا گیا تو گذشتہ 50 سال سے بینکنگ نظام کو عام آدمی، کسان اور غریب تک پہنچانے کی تمام کوششیں مکمل بے کار ہو جائیں گی‘۔
کانگریس کے رہنماؤں نے کہا کہ مودی حکومت نے نوٹ بندی کے وقت بھی ریزرو بینک آف انڈیا کا غلط استعمال کیا اور اب بھی یہ حکومت ایک کٹھپتلی کی طرح آر بی آئی کا غلط استعمال کر رہی ہے اور ان کی پارٹی اس اقدام کی سخت مخالفت کرتی ہے۔