پولیس سے بچنے کے لیے فرضی صحافی بنا

دارالحکومت دہلی سے متصل غازی آباد میں ایک شخص نے پولیس سے بچنے اور لاک ڈاون میں اپنی من مانی کرنے کے لیے خود کو صحافی بتانے لگا، لیکن اس کا راز فاش ہو گیا اور پولیس نے اسے گرفتار کر لیا۔

بتایا جا رہا ہے بھولا نام کا ملزم کوئی راشن کی دکان چلاتا ہے، لاک ڈاون میں اپنی من مانی کرنے اور لاک ڈاون کی خلاف ورزی کرنے کے لیے اس نے صحافی کا جعلی شناختی کارڈ بنا کر پولیس کو چکمہ دینے کی کوشش کی، حالانکہ پولیس نے اسے پکڑ کر جیل بھیج دیا ہے۔

بھولا پر یہ بھی الزام ہے کہ اس نے صحافی کے جعلی شناختی کارڈ کا بیجا استعمال کیا اور اس کارڈ کے ذریعے لوگوں سے پیسے بھی وصول کیے۔

بھولا جب پولیس کی گرفت میں آیا اور پولیس نے جب اس سے پوچھ گچھ کی تو اس دوران اس نے کئی مرتبہ اپنے بیان بھی بدلے باتوں ہی باتوں میں اس نے یہ بھی بتا دیا کہ وہ 20 بینکوں میں کام کرتا ہے۔

ااس دوران پولیس نے بھولا سے شہر کے ایس پی اور ڈی ایم کا نام جاننے کی کوشش کی تو اس نے منع کر دیا اور کہا وہ ان دونوں کا نام نہیں جانتا ہے، فی الحال پولیس نے اسے جیل بھیج دیا ہے۔