غریب لاک ڈاؤن میں کچے چاول اور جلی روٹیاں کھانے پر مجبور

دہلی حکومت کی طرف سے غریب لوگوں کو فراہم کی جانے والی خوراک پر لوگوں نے برہمی کا اظہار کیا ہے۔ ان کا کہنا ہے کہ حکومت غریبوں کو کھانا کھلا رہی ہے یا ہماری غربت کی توہین کررہی ہے۔

لاک ڈاؤن کے دوران کیجریوال حکومت ضرورت مندوں کے لئے دو وقت کا کھانا اکٹھا کرنے میں مصروف ہے۔ تاکہ کوئی غریب بھوکا نہ ہو۔ لیکن حکومت کھانے کے معیار پر کوئی توجہ نہیں دے رہی ہے۔ جس کی وجہ سے لوگوں نے غیر معیاری کھانے پر برہمی کا اظہار کیا ہے۔

دہلی: غریبوں کو غیر معیاری کھانے مل رہے ہیں

جنوبی دہلی کے مہرولی میں لوگوں نے دہلی حکومت پر انہیں برا کھانا کھلانے کا الزام عائد کیا ہے۔ ان کا کہنا ہے کہ کھانے میں کوئی معیار نہیں ہے۔ آدھے پکے چاول کچی اور جلی ہوئی روٹیاں ملتی ہیں جسے مجبوری میں کھانا پڑتا ہے۔

اسی کے ساتھ ہی لوگوں نے کیجریوال حکومت سے ناراضگی کا اظہار کیا اور کہا کہ حکومت ہم غریبوں کو کھلا رہی ہے یا ہماری غربت کی توہین کررہی ہے۔

غور طلب ہے کہ لاک ڈاؤن کے بعد جو سب سے بڑا چیلنج سامنے آیا ہے وہ غریبوں کے لیے دو وقت کے کھانے کا انتظام اپنے اور اپنے اہل خانہ کے لیے کرنا ہے۔ ایسے میں اگر انہیں معیاری کھانا نہیں ملتا تو اس سے ان کی طبیعت بگڑ سکتی ہے۔