کورونا پر کیجریوال کی ہائی کمانڈ میٹنگ

وزیر اعلی اروند کیجریوال نے دہلی میں کورونا کی صورتحال سے متعلق آج شام ایک اعلی سطحی اجلاس طلب کیا ہے۔ اس اجلاس میں تمام اضلاع کے ڈی ایم بھی شرکت کریں گے۔

گزشتہ ہفتے کے مقابلہ میں دہلی میں کورونا انفیکشن کی شرح میں کمی دکھائی دے رہی ہے لیکن انفیکشن کی شدت اب بھی باقی ہے۔ ہر دن ہونے والی اموات اب بھی 300 سے زیادہ ہیں۔ وہیں روزانہ 18 سے 20 ہزار نئے کیسز سامنے آرہے ہیں۔

کورونا کے ان حالات کے پیش نظر وزیر اعلی اروند کیجریوال نے دہلی کی صورتحال پر تبادلہ خیال کے لیے آج شام ایک اعلی سطحی اجلاس طلب کیا ہے۔

یہ میٹنگ وزیر اعلی کی رہائش گاہ پر ہے، اس میں منیش سسودیا، وزیر صحت ستیندر جین، محکمہ صحت کے سکریٹری، محکمہ صحت کے افسران اور تمام اضلاع کے ڈی ایم شامل ہوں گے۔