کیجریوال کورونا اسپتالوں کے سربراہوں سے کریں گے ویڈیو کانفرنس

دہلی کے وزیراعلیٰ اروند کیجریوال تھوڑی دیر کے بعد دہلی کے ان اسپتالوں کے ایم ایس اور سربراہان سے ویڈیو کانفرنسنگ کے ذریعے میٹنگ کریں گے جن اسپتالوں کو کورونا وائرس کے علاج کے لیے مختص کر دیا گیا ہے۔

بتایا جا رہا ہے کہ میٹنگ آئندہ کے لائحہ عمل پر غور کیا جائے گا، اور آنے والے دنوں میں کورونا کے سبب اگر حالات بگڑتے ہیں تو اس سے کیسے نمٹا جائے گا۔

میٹنگ میں اس بات پر بھی تبادلہ خیال کیا جائے گا کہ موجودہ وقت میں جن اسپتالوں کو کورونا وائرس کے علاج کے لیے مختص کیا گیا ہے ان میں مزید کسی طرح کے اضافی انتظام کی ضرورت ہے یا نہیں۔

واضح رہے کہ دہلی حکومت نے گزشتہ روز دہلی کے لوک نایک اسپتال، جی بی پنت اسپتال، راجیو گاندھی سپر اسپیشلیٹی اسپتال، گرو تیغ بہادر اسپتال سمیت دین دیال اپادھیائے اسپتال کو کورونا وائرس کے علاج کے مختص کر دیا تھا۔