حکومت کی جانب سے لاک ڈاؤن کی مدت میں توسیع کیے جانے کے بعد انڈیگو نے ملک میں پروازیں شروع کرنے کا اعلان کیا ہے۔
اس سے قبل 25 مارچ سے 21 دن پورے ملک میں لاک ڈاؤن نافذ کئے جانے کے بعد طیارہ کمپنی نے دیگر نجی طیارہ سروس کمپنیوں کی طرح 14 اپریل کے بعد کے سفر کے لئے پروازیں شروع کرنے کا اعلان کرکے ٹکٹوں کی بکنگ بھی شروع کر دی تھی۔ تاہم وزیر اعظم نریندر مودی نے منگل کو لاک ڈاؤن 03 مئی تک بڑھانے کا اعلان کیا۔
انڈیگو نے منگل کو بتایا کہ ’’ابتدا میں کم پروازیں شروع کی جائیں گی جن کی تعداد بعد میں بڑھائی جائے گی، جبکہ بین الاقوامی پروازیں شروع کرنے کا فیصلہ حکومت کی ہدایات پر منحصر ہوگا۔‘‘
کمپنی نے مزید بتایا کہ 03 مئی تک پروازیں منسوخ رہنے کی وجہ سے متاثرہ مسافرین سابقہ پی این آر (PNR) پر مستقبل کی کسی بھی تاریخ کی بکنگ کرا پائیں گے۔
انہوں نے مزید کہا کہ ’’مسافرین بکنگ میں منسوخ ہوئے ٹکٹ کی پوری رقم استعمال کر سکتے ہیں۔‘‘