دہلی میں علی الصباح زبردست بارش ہوئی

ملک کی دارالحکومت دہلی میں زبر دست بارش ہوئی، جس سے لوگوں نے راحت کی سانس لی، جبکہ کچھ جگہوں پر پانی جمع ہونے سے لوگوں کو پریشانیوں کا سامنا کرنا پڑا۔

نئی دہلی: دہلی این سی آر میں آج علی الصباح موسلا دھار بارش ہوئی، جس سے گلی، نالیوں اور سڑکیں پانی سے بھر گئیں۔ شدید گرمی سے پریشان لوگوں نے بارش سے راحت کی سانس لی لیکن وہیں کچھ جگہوں پر پانی جمع ہونے سے آمد و رفت کرنے والوں کو سخت دشواریوں کا سامنا کرنا پڑ رہا ہے۔

اس سے قبل محکمہ موسمیات نے دہلی میں شدید بارش کی پیش گوئی کی تھی۔ بارش نہ ہونے کی وجہ سے لوگ نمی اور گرمی سے پریشان تھے۔ علی الصباح بارش کے بعد لوگوں نے سکون کی سانس لی ہے اور موسم کا مزاج بھی بدل گیا ہے۔

واضح رہے کہ دارالحکومت میں گزشتہ دنوں بھی زبردست بارش ہوئی تھی جس کی وجہ سے ٹریفک جام ہوگیا تھا اور آفس جانے والے لوگوں کو سخت دشواریوں کا سامنا کرنا پڑا، لیکن آج کی بارش صبح تقریباً چار بجے ہوئی ہے اس لیے زیادہ پریشانی کی بات ن ہیں ہے۔