نئی دہلی: دہلی پولیس کے سابق کمشنر یودھ ویر سنگھ ڈڈوال کا بدھ کے روز انتقال ہوگیا، وہ لمبے وقت سے بیمار چل رہے تھے۔ وائی ایس ڈڈوال 1974 بیچ کے آئی پی ایس آفیسر تھے۔ سال 2007 سے لے کر 2010 تک وہ دہلی پولیس کمشنر رہے۔ اس کے بعد وہ ایس ایس بی کے ڈی جی بنے اور خدمات دینے کے بعد ریٹائر ہوگئے۔ دہلی میں ان کے وقت میں کامن ویلتھ گیمز منعقد ہوا تھا۔
جانکاری کے مطابق یودھ ویر سنگھ ڈڈوال دہلی پولیس کے 16ویں کمشنر تھے۔ 1974 بنچ کے آئی پی ایس رہ چکے ہیں۔ دہلی پولیس میں ڈی سی پی رہنے کے ساتھ وہ جوانٹ سی پی بھی رہ چکے ہیں۔ وہ چنڈی گڑھ میں آئی جی کے عہدے پر سال 1993 سے 1995 تک خدمات انجام دے چکے ہیں۔