آشو قتل معاملے میں 5 ملزمان گرفتار

تھانہ بادل پور کے علاقے مانیک پور میں پیر کو پیش آنے والے سنسنی خیز آشو قتل کیس میں پولیس نے آج پانچ ملزمان کو گرفتار کر لیا۔ واردات میں استعمال ہونے والے غیر قانونی اسلحہ برآمد بھی کرلیا گیا ہے۔

آشو عرف پرشانت کو تھانہ بادل پور کے ماتحت گاؤں دھو مانک پور میں اس کے ساتھیوں نے گولی مار کر ہلاک کردیا تھا۔ جس میں ، مدعی شری شریپال کے ذریعہ اپنے بیٹے کے قتل کے سلسلے میں ،انکیت ،دشینت ، منیش ،ارون اور لوکیش کے خلاف رپورٹ درج کرائی تھی۔ انکیت ، دشینت، منیش ، ارون، لوکیش کو آج پولیس نے بائی پاس سے 315 بور اور 01 زندہ اور 01 کھوکھا کارتوس کے ساتھ گرفتار کیا۔ گرفتار ملزمان نے جرم کا اعتراف کیا ہے۔

اہم ملزم انکیت ولد سنیل راول نے قتل کے بارے میں پوچھ گچھ کرنے پر بتایا کہ کچھ روز قبل مقتول پرشانت نے مجھ سے میری خالہ کی لڑکی کا موبائل نمبر مانگا تھا۔ تب سے ، ہی انکیت اور پرشانت میں رنجشیں شروع ہو گئی تھی اور اس معاملے پر ملزم انکیت نے اپنے ساتھیوں کے ساتھ مل کر پرشانت کو گولی مار کر ہلاک کردیا۔