ایمس ایمرجنسی وارڈ میں لگی آگ، مریضوں کو باہر نکالا گیا

دارالحکومت دہلی کے ایمس اسپتال میں آگ لگ گئی۔ بتایا جارہا ہے کہ یہ آگ ایمرجنسی وارڈ میں لگی تھی۔ یہ حادثہ صبح کے ساڑھے 5 بجے کا بتایا جا رہا ہے۔

دارالحکومت دہلی کے ایمس اسپتال میں آگ لگ گئی۔ بتایا جارہا ہے کہ یہ آگ ایمرجنسی وارڈ میں لگی تھی۔ یہ حادثہ صبح 5:30 بجے کا بتایا جارہا ہے۔ جس کی اطلاع فائر بریگیڈ ٹیم کو دی گئی۔ فائر بریگیڈ اور مقامی پولیس کی ٹیم موقع پر پہنچ گئی۔

موصولہ اطلاع کے مطابق آگ پر قابو پالیا گیا ہے۔ اس آگ میں اب تک کسی کو جانی یا مالی کوئی نقصان نہیں پہنچا ہے۔ تاہم اس آگ میں کچھ دستاویزات جل گئے ہیں۔ ایمرجنسی وارڈ کے اندر موجود مریضوں کو نکال لیا گیا ہے۔ وہیں جو مریض وینٹی لیٹر پر تھے انہیں کسی اور جگہ منتقل کردیا گیا ہے۔ پولیس معاملے کی تحقیقات کر رہی ہے۔ فائر بریگیڈ کی ٹیم نے بروقت آگ پر قابو پالیا، جس کی وجہ سے کوئی بڑا نقصان نہیں ہوا۔