ای ٹی وی بھارت سے خصوصی گفتگو میں فضل الرحمن نے کہا کہ یہ سوچ کی بات ہے کہ وہ مظاہرین کو فسادی کہتے ہیں جبکہ یہ مظاہرین پرامن طریقے سے اپنی بات رکھ رہے تھے۔
'مظاہرین کو فسادی کہنا یوگی کا نظریہ ہے'
ریاست اتر پردیش کے ضلع سہارنپور سے رکن پارلیمان فضل الرحمن نے اترپردیش حکومت کے ذریعہ مظاہرین کو فسادی قرار دینے اور عدالت کی ہدایت نہ ماننے پر سخت تنقید کی ہے۔
بہوجن سماج پارٹی سے رکن پارلیمان فضل الرحمن نے یہ بھی کہا کہ اتر پردیش حکومت کا ضرور نقصان ہوا ہے۔ لیکن اس کے لئے اور بھی طریقے ہیں۔ سب سے پہلے مظاہرین کے پاس نوٹس بھیجنا چاہیے تھا۔ اس طرح پوسٹر لگانا غلط ہے۔
ایک سوال کے جواب میں فضل الرحمن نے کہا کہ میں نہیں مانتا کہ شہریت قانون کے خلاف جاری مظاہروں میں صرف ایک خاص طبقہ کے لوگ ہوتے ہیں، بلکہ اس میں مختلف مذاہب کے لوگ شامل ہیں۔ انہوں نے مزید کہا کہ جو لوگ شہریت قانون کے خلاف مظاہرہ کر رہے تھے، انہیں فسادی نہیں کہا جا سکتا، کیوں کہ وہ اپنے حق کے لئے لڑ رہے تھے۔