سبری مالا میں داخلہ کے لیے فاطمہ سپریم کورٹ پہنچیں

سبری مالا کے ایپا سوامی مندر میں تمام مذاہب کو ماننے والی خواتین کے محفوظ داخلے کے مطالبے کے سلسلے میں مزید ایک عرضی سپریم کورٹ میں دائر کی گئی ہے۔

یہ عرضی کیرلا کی باشندہ فاطمہ نے دائر کی ہے۔

عرضی گزار کا مطالبہ یہ ہے کہ سبری مالا میں داخلے کے لیے انھیں تحفظ فراہم کیا جائے۔ اس نے یہ بھی مطالبہ کیا ہے کہ اسے کسی بھی طرح کےجسمانی حملے سے تحفظ فراہم کیا جائے۔

عرضی گزار نے کیرلا حکومت کو ہدایت دینےکا مطالبہ کیا ہے کہ اسے جو دھمکیاں ملی ہیں ان کے سلسلے میں جلد از جلد ایف آئی آر درج کی جائے۔ جن لوگوں نے دھمکیاں دی ہیں ان کے خلاف تفتیش بھی کی جائے اور قانون کے مطابق سخت کاروائی کی جائے۔