سردی اور بارش کے باوجود کسان متحرک

زرعی قوانین کے خلاف گذشتہ 40 دنوں سے دہلی کے سرحدی علاقوں میں دھرنے پر بیٹھے کسانوں کو بارش اور شدید سردی کا سامنا ہے۔

نوئیڈا اور دہلی کے مابین واقع چلہ سرحد پر بارش اور ٹہٹرا دینے والی سرد ہواؤں سے خیمے اکھڑ گئے ہیں، ان سب کے باوجود کسانوں کے ارادے مستحکم ہیں ان کے حوصلے بلند ہیں کسان متحرک ہیں اور پر عزم بھی ہیں۔ بلکہ اب تعداد میں اضافہ بھی ہوتا جا رہا ہے۔ تیز ہوا اور بارش کے بعد اکھڑے خیموں کو نئے سرے سے دوبارہ نصب کردیا گیا ہے۔ کسانوں کے لیے یہاں معقول لنگر کا انتظام بھی ہے جو آئندہ بھی جاری رہے گا۔

اب غازی پور سرحد سے بھی کسان بڑی تعداد میں چلہ سرحد پہنچ رہے ہیں۔جس سے کسانوں کی تحریک میں مزید شدت آرہی ہے۔کسانوں نے مطالبات کی منظوری تک احتجاج جاری رکھنے کا عزم کیا ہے۔ ساتھ ہی اس تحریک کو مزید وسیع کرنے کی بھی کوشش جاری ہے۔ کسانون کا کہنا کہ جتنی اذیت اور کرب اس حکومت نے ہمیں پہنچایا ہے اتنا تو انگریزوں نے بھی نہیں پہنچایا تھا۔