'میوات کی تہذیب و تاریخ' نانک چند شرما کی زبانی

میوات پورے بھارت میں اپنی تاریخی روایات اور منفرد ثقافت کیلئے جانا جاتا ہے۔ میواتی تہذیب پر نانک چند شرما کے ساتھ ای ٹی وی بھارت کی خصوصی گفتگو۔

ریاست ہریانہ کا ضلع میوات پورے بھارت میں اپنی تاریخی روایات اور منفرد ثقافت کیلئے جانا جاتا ہے، وہیں میواتی ادب کی بھی اپنی ایک منفرد شناخت ہے۔

حالانکہ وقت اور سازشی عناصر نے میوات کی شبیہ کو کافی نقصان پہنچایا ہے۔ باوجود اس کے میوات اپنی سادگی، ضیافت، گنگا جمنی تہذیب، منفرد بولی اور لب و لہجے کیلئے تاریخی حیثیت رکھتا ہے'۔

میواتی ادب کو فروغ دینے والے لوگ کم تعداد میں ہی سہی لیکن ہر دور میں موجود رہے۔ آج بھی کچھ لوگ میواتی ادب اور میواتی روایات کو زندہ رکھنے کیلئے سرگرم عمل ہیں'۔ انہیں میں ایک ممتاز و معتبر نام نانک چند شرما 'نوین' کا ہے۔ جو پیشے سے ٹیچر ہیں اور راجستھان میوات کے پیپل کھیڑا گاؤں کے ایک اسکول میں بطور پرنسپل خدمات انجام دے رہے ہیں'۔

نانک چند شرما کی سماجی بیداری کے پیش نظر میواتی زبان میں شعری کاوشیں منظر عام پر آتی رہتی ہیں۔ ان کے اسکول کی طالبات ان کے لکھے ہوئے میواتی گیتوں کو جب بھی گاتی ہیں وہ گیت مقبول عام ہو جاتی ہیں۔ ہزاروں لوگ سوشل میڈیا پر انہیں شیئر کرتے ہیں اور اس کی ستائش کی جاتی ہے۔

ای ٹی وی بھارت کے نمائندہ نے نانک چند شرما سے میواتی ادب پر خصوصی گفتگو کی ہے۔ پیش ہے میواتی تہذیب پر خصوصی انٹرویو