مشہور رقاصہ سپنا چودھری سے خصوصی بات چیت

ملک میں کورونا وائرس کے انفیکشن کے پھیلاؤ کو روکنے کے لئے لاک ڈاؤن نافذ کیا گیا تھا۔ اس دوران ، بالی ووڈ کے تمام بڑے اسٹار گھروں میں قید ہو گئے ہیں اور اپنے کنبہ کے ساتھ وقت گزار رہے ہیں۔ اس لاک ڈاؤن میں ہریانہ کی مشہور ڈانسر اور بالی ووڈ اداکارہ سپنا چودھری بھی اپنے کنبہ کے افراد کے ساتھ تھیں۔ اس دوران انہوں نے کیا کیا؟ اور ان کے کیریئر کے لیے ان کے کیا منصوبے ہیں؟ اس طرح کے بہت سارے سوالوں کا جواب ای ٹی وی بھارت کے خصوصی پروگرام 'ڈیجیٹل چیٹ' کے دوران سپنا چودھری نے دیا۔ آئیے جانتے ہیں کہ اس دوران انہوں نے کیا کہا۔۔

سوال: آپ نے اپنا وقت کورونا اور لاک ڈاؤن میں کیسے گزارا؟ اس دوران آپ لوگوں سے کیسے جڑی رہیں؟

جواب: پہلے اداکاوں کے پاس مداحوں سے رابطہ قائم کرنے کے لیے پلیٹ فارم نہیں تھا لیکن ہمارے پاس بہت سارے پلیٹ فارم ہیں۔ ہم اپنے مداحوں کے ساتھ انسٹاگرام ، فیس بک اور ٹویٹر کے ذریعے رابطہ کر سکتے ہیں، لہذا اب اتنی مشکل نہیں ہوتی۔ آن لائن کنسرٹ بھی کیے لیکن ویک کنیکشن کی وجہ سے لوگوں کی گالیاں بھی سنی ہیں۔ میں پہلی بھارتی خاتون ہوں جس نے آن لائن کنسرٹ کیا ہے۔ اس کے بعد ، بہت سے لوگوں نے اس محفل موسیقی کے لئے پہل کی۔

سوال: جب آپ نے پہلا شو کیا تھا تو آپ کو اس وقت کتنا پیسا ملا تھا؟

جواب: مجھے میرے پہلے شو کے لیے 1500 روپے ملے تھے۔ یہ 2009 کے آخر کی بات ہے۔ سنہ 2008 میں میرے والد کے انتقال کے بعد میں نے اپنا پہلا شو 2009 میں کیا تھا۔

سوال: سودیشی کو لیکر آپ کے کیا خیالات ہیں؟ ٹک ٹاک کو بھی بند کر دیا گیا ہے، آپ کیا سوچتی ہیں؟

جواب: حکومت نے جو بھی فیصلہ لیا ہے میں ان کے ساتھ ہوں۔ پہلے تو لوگ کہتے ہیں کہ حکومت کچھ نہیں کرتی اور جب وہ کچھ کرتی ہے تو لوگ بیٹھ کر روتے ہیں۔ اس فیصلے میں ہم سب کو حکومت کا ساتھ دینا چاہیے۔

سوال: کورونا کو لیکر آپ اپنے مداحوں سے کیا اپیل کریںگی؟

کورونا وائرس کو مزاق میں نہ لیں۔ ماسک پہن کر گھر سے باہر نکلیں اور جب تک ضروری نہ ہو باہر نہ نکلیں۔ میں بھی گھر سے باہر نہیں نکل رہی ہوں۔ ہم سب کو کورونا سے ملکر لڑنا ہے۔