قومی دارالحکومت دہلی سے متصل ریاست اترپردیش کے صنعتی شہر نوئیڈا میں برڈ فلو سے متعلق حکومتی انتباہ کے پیش نظر ضلع مجسٹریٹ سہاس ایل وائی کی صدارت میں ضلع گوتم بدھ نگر میں آن لائن اجلاس منعقد ہوا۔
اس اجلاس میں چیف ڈیولپمنٹ آفیسر انیل کمار سنگھ، ڈی ایف او پی- کے سریواستو، چیف ویٹرنری آفیسر اور دیگر متعلقہ عہدیداروں نے شرکت کی۔ چیف ویٹرنری آفیسر نے کہا کہ' فی الحال ضلع میں برڈ فلو کا کوئی امکان نہیں ہے'۔
انہوں نے مزید کہاکہ' محکمہ کے افسران کی جانب سے حکومت کی ہدایتوں کی تعمیل میں کارروائی کو یقینی بنایا جارہا ہے۔ ڈسٹرکٹ آفیسر سہاس ایل وائی نے محکمہ افسران کو ہدایت دی کہ برڈ فلو سے متعلق حکومت ہند اور حکومت اترپردیش کے جاری کردہ نوٹیفکیشن کو مدنظر رکھتے ہوئے اپنی تیاری کو یقینی بنائیں۔
چیف ویٹرنری آفیسر نے ضلعی مجسٹریٹ کو آگاہ کیا کہ' ضلع میں دو بڑے پولٹری فارمز ہیں، جن کے مالکان کو اس تعلق سے تفصیلی معلومات فراہم کی گئی ہیں۔
