'بھارتی عوام ڈرنے والی نہیں ہے': گورو گوگوئی

لوک سبھا میں کانگریس کے رہنما گورو گوگوئی نے کہا کہ جمہوریت صرف انتخابات جیتنا اور ہارنا نہیں ہے بلکہ بھارت کے حقیقی معنی کو بھی سمجھنا ہے۔

کانگریس پارٹی کے رہنما گورو گوگوئی نے بھارتی جنتا پارٹی کے اعلی رہنماوں پر الزام لگاتے ہوئے کہاکہ' بی جے پی کے دیگر رہنماؤں کی جانب سے جو متنازعہ بیان دیے جا رہے ہیں اس کی اصل وجہ بڑوں کا ہاتھ ان کے سر پر ہونا ہے۔

انہوں نے کہا کہ جمہوریت صرف انتخابات جیتنا اور ہارنا نہیں ہے بلکہ بھارت کے حقیقی معنی کو بھی سمجھنا ہے۔

پارلیمنٹ میں صدر کے خطاب کے پر کلمہ تشکر میں گورو گوگوئی نے شہریت ترمیمی قانون کے خلاف مظاہرین پر پولیس کی سخت کارروائی پر مرکزی حکومت کو نشانہ بنایا۔

انہوں نے الزام لگایا کہ دہلی پولیس جے این یو کیمپس میں اساتذہ کے خلاف تشدد کے ذمہ داروں کا سراغ نہیں لگاسکی ہے، ان سبھوں کے سر پر کسی نہ کسی کا ہاتھ ضرور ہے، جو انہیں ہدایات دے رہا ہے۔"

گوگوئی نے کہا کہ جن وزراء نے 'اشتعال انگیز تقاریر' کی تھیں ان کے خلاف مقدمہ درج کیا جانا چاہئے۔ ان کے خلاف ایف آئی آر درج کروائی گئی اور دعوی کیا گیا کہ وہ 'اعلی رہنماوں کی ہدایت پر بھی عمل کر رہے ہیں'۔

انہوں نے سی اے اے مخالف مظاہروں کے خلاف دہلی میں فائرنگ کے واقعات کا بھی حوالہ دیا۔

گوگوئی نے الزام لگایا کہ بی جے پی رہنما یہ کہہ رہے ہیں کہ بھارتی عوام ملک کی دشمن ہے۔

انہوں نے کہا کہ' بھارتی طلبا آپ کی دشمن ہیں، آپ کے لئے بھارتی خواتین دشمن ہیں۔ لیکن مجھے ان پر فخر ہے۔ وہ آئین کو پڑھ رہے ہیں۔ وہ آزادی کی جدوجہد کی قدروں اور سوامی ویویکانند کی بات کر رہے ہیں۔

کانگریس رکن پارلیامان نے کہا کہ احتجاج کرنے والے پولیس کی دھمکیوں سے نہیں ڈرتے ہیں۔ انہوں نے کہاکہ 'بھارت کے لوگ خوفزدہ ہونے والے نہیں ہیں'۔