دہلی: لاک ڈاؤن کے تیسرے مرحلے میں چند مراعات

دہلی میں پیر سے لاک ڈاؤن کا تیسرا مرحلہ شروع ہو گیا جو 17 مئی تک چلے گا۔ حکومت نے اس دوران کچھ مراعات دی ہیں۔

دہلی میں تیسرے لاک ڈاؤن میں ملنے والی رعایت کے تحت رہائشی علاقوں میں شراب، پان، گٹکھا کی دکانوں کو کھولنے کی اجازت کے ساتھ ہی تمام سرکاری دفاتر کھلیں گے۔

جبکہ میٹرو، بس، اسکول، کالج، مذہبی مقامات، سیلون، جم اور ہوٹل ریسٹورنٹز بند رہیں گے۔ دارالحکومت میں اگرچہ شراب کی دکانوں کو کھولنے کا وقت 10 بجے مقرر کیا گیا ہے، لیکن دکانوں کے کھلنے سے پہلے ہی بھیڑ امڈ پڑی اور لمبی لمبی قطاریں نظر آئیں۔

دہلی میں جو سرکاری دفتر ضروری خدمات سے منسلک ہیں، وہاں سو فیصد ملازمین آئیں گے جبکہ غیر ضروری سرکاری خدمات میں ڈپٹی سکریٹری سطح کے اوپر کے افسران اور 33 فیصد ملازمین اور نجی اداروں کو بھی 33 فیصد ملازمین کے آنے کی منظوری کے ساتھ کھولنے کی اجازت دی گئی ہے۔