دہلی کے مہرولی میں پولیس دستے نے کیا گشت

جنوبی دہلی کے مہرولی میں دہلی پولیس کے ایک دستے نے چالیس موٹر سائکل پر سوار ہو کر علاقے میں گشت کیا، بتایا جا رہا ہے کہ لاک ڈاون پر سختی سے عمل درآمد کے لیے دہلی پولیس کا یہ دستہ علاقے میں مسلسل گشت کرتا رہے گا۔

دارالحکومت دہلی میں کورونا کے کیسز میں مسلسل اضافہ ہو رہا ہے، اسی کے پیش نظر انتظامیہ اور بھی زیادہ مستعد نظر آرہی ہے، دہلی پولیس نے لوگوں کی حفاظت کے پیش نظر پولیس اہلکاروں کو گشت کرنے کے لیے تعینات کیا ہے۔

اسی ضمن میں مہرولی میں پولیس اہلکار چالیس بائک پر سوار کر پورے علاقے میں گشت کیا، بتایا جاتا ہے کورونا وائرس کے خدشات کے پیش نظر یہ پولیس اہلکار مہرولی علاقے میں گشت پر مامور رہیں گے، اور لاک ڈاون کی خلاف ورزی کرنے والوں کے خلاف کارروائی بھی کریں گے، اس کے علاوہ مصیبت زدہ افراد کی مدد بھی کریں گے۔