حراست میں لیے گئے طلبا کو بنا کسی تاخیر کے رہائی کا حکم

دہلی اقلیتی کمیشن نے کالکاجی پولیس اسٹیشن کے انسپکٹر کو ہدایت جاری کی ہے کہ وہ جامعہ ملیہ کے زخمی طلبہ کو فوری رہا کرے اور زخمی طلبہ کو بنا کسی تاخیر کے کسی اچھے ہسپتال میں علاج کے لیے لے جائے۔

کمیشن نے مزید کہا کہ' اگر زخمی طلبہ کو کچھ بھی ہوتا ہے تو اس کی ذمہ دار کالکاجی پولیس انسپکٹر پر عائد ہوگی۔ مزید کمیشن نے اس کی رپورٹ کمیشن نے 16 دسمبر دوپہر 3 بجے تک داخل کرنے کی ہدایت دی۔ بصورت دیگر کمیشن کی جانب سے پولیس کے خلاف مناسب کارروائی کی جائے گی۔

پولیس طلبا پر لاٹھی چارج کرتے ہوئے

خیال رہے کہ گذشتہ روز جامعہ ملیہ اسلامیہ کے طلبا شہریت ترمیمی قانون کے خلاف احتجاج کررہے تھے جو تشدد میں بدل گیا۔اس سلسلے میں پولیس افسران پر الزام عائد کیا جارہا ہے کہ انہوں نے طلبا کے احتجاج کو روکنے کے لیے طاقت کا استعمال کیا اور کمپس میں داخل ہوکر طلبا کی پٹائی کی اور درجنوں طلبا کو حراست میں لے لیا۔