جسٹس سمر وشال نے تینوں رکن اسمبلی کو 30 اگست کو پیش ہونے کی ہدایت دی ہے۔
عمران حسین نے کپل مشرا، وجیندر گپتا اور مجندر سنگھ سرسا کے خلاف حتک عزت کا کیس درج کرایا ہے۔ عمران کا الزام ہے کہ دہلی میں 17 ہزار پیڑوں کو کاٹنے کے حکم والے معاملے میں تینوں نے ان پر جھوٹے الزام عائد کیے تھے۔
ان تینوں رکن اسمبلیوں نے جون 2018 میں ایک احتجاج کیا تھا، جس میں عمران حسین کے خلاف بدعنوانی کے الزام عائد کیے تھے۔
احتجاج کے دوران انہوں نے مبینہ طور پر پوسٹر لگوائے تھے، جن پر لکھا تھا کہ کیجریوال حکومت کے وزیر عمران حسین نے 23 کروڑ روپے لے کر پیڑ کاٹنے کاٹنے کی اجازت دی۔
عمران پہلے بھی اس الزام کو غلط اور بے بنیاد بتا چکے ہیں۔ عمران حسین اس معاملے میں تینوں کو لیگل نوٹس بھی دے چکے ہیں۔
