ذیابیطس کے مریضوں کے لئے خوش خبری

ایمس کے ڈاکٹر پرسون چٹرجی نے ذیابیطس سے متعلق ایک تحقیق کی تھی جس میں انہوں نے دعوی کیا تھا کہ یہ تھراپی دوا سے زیادہ موثر ہے۔

آل انڈیا انسٹی ٹیوٹ آف میڈیکل سائنسز کے جیریٹرک ڈیپارٹمنٹ کے ڈاکٹرز نے ایک تحقیق کی ہے جس میں اب اگر آپ دوا کے ساتھ لیزر تھراپی لیں تو پاؤں کے درد سے بہت حد تک آرام ملے گا۔

بھارت میں ذیابیطس کے مریض روز بروز تیزی سے بڑھ رہے ہیں۔ جو ایک سنگین تشویش ہے۔ اس وقت ، اس بیماری پر قابو پانے کے لئے ، آل انڈیا انسٹی ٹیوٹ آف میڈیکل سائنسز کے ڈاکٹروں نے ایک تحقیق کی ہے جس میں اب اگر آپ دوا کے ساتھ لیزر تھراپی لیں تو آپ کو پیر کے درد سے بہت حد تک راحت ملے گی۔

ذیابیطس کے مریضوں کو پیروں میں تیز درد ہوتا ہے

ذیابیطس کے مریض پیروں کی رگوں میں شدید درد کی شکایت کرتے ہیں۔ اس مسئلے پر قابو پانے کے لئے اب تک ڈاکٹرز اور مریض صرف دوائیں ہی لیتے تھے، لیکن اس کے باوجود مریضوں کو آرام نہیں ملتا تھا۔ لیکن اب پیروں میں لیزر تھراپی کے ذریعہ، یہ ثابت ہوگیا ہے کہ یہ دوا سے زیادہ موثر ہے۔

پیروں کے درد سے کیا نقصان ہوتا ہے؟
ڈاکٹر پرسون چٹرجی نے کہا کہ خاص طور پر ذیابیطس کے مریضوں میں یہ دیکھا گیا ہے کہ ان کے پیروں کی رگ بہت کمزور ہوتی ہے۔

جس کی وجہ سے انہیں چلنے میں بہت تکلیف ہوتی ہے اور مریض درد سے بہت پریشان ہوتے ہیں۔ یہاں تکہ سرجری کی نوبت بھی آجاتی ہے ۔

اس کے علاوہ مریض کے اعصاب کے خراب ہونے کا بھی خدشہ رہتا ہے۔
ڈاکٹر پرسون چٹرجی نے کہا کہ اب تک ہم مریضوں کا علاج صرف دوائیوں کے ساتھ کرتے تھے، لیکن اس تحقیق سے یہ ثابت ہوتا ہے کہ دوائی سے کہیں زیادہ موثر تھراپی موجود ہے۔

فی الحال، ایمس کے جیریٹریک شعبہ کے ڈاکٹرز کا کہنا ہے کہ اگر آپ کو ذیابیطس ہے اور آپ اپنے پیروں کے درد سے بہت پریشان ہیں تو آپ دوائی کے ساتھ ساتھ لیزر تھراپی بھی لے سکتے ہیں۔