اپہار سنیما آتشزدگی معاملہ: انسل بھائیوں سمیت پانچ ملزمان کی سزا کا فیصلہ ملتوی

13 جون 1997 کو جنوبی دہلی کے گرین پارک میں اپہارسنیما میں فلم 'بارڈر کی نمائش کے دوران آگ لگنے کے بعد 59 افراد دم گھٹنے سے مر گئے تھے۔ اس کے بعد بھگدڑ میں 100 سے زائد افراد زخمی بھی ہوئے تھے جس کے بعد اس کیس کی سماعت جاری ہے۔

دہلی کی پٹیالہ ہاؤس کورٹ نے اپہار سنیما سانحہ کیس میں شواہد سے چھیڑ چھاڑ کرنے کے قصوروار قرار دیے گئے سشیل انسل اور گوپال انسل کی سزا پر فیصلہ مؤخر کر دیا ہے۔

چیف میٹروپولیٹن مجسٹریٹ پنکج شرما نے 16 اکتوبر کو سماعت کا حکم دیا۔ 8 اکتوبر کو عدالت نے انسل بھائیوں سمیت پانچ افراد کو قصوروار قرار دیا تھا۔

عدالت نے اس معاملے میں عدالت کے ملازم دنیش چند شرما کو بھی قصوروار قرار دیا تھا۔ اس کے علاوہ پی پی بترا اور انوپ سنگھ کو بھی قصوروار قرار دیا گیا۔

دہلی ہائی کورٹ کے حکم پر سشیل انسل کے خلاف ایف آئی آر درج کی گئی۔ اپہار سانحہ متاثرین ایسوسی ایشن (AVUT) کی صدر نیلم کرشن مورتی نے سشیل انسل کے خلاف ہائی کورٹ میں ایک پٹیشن دائر کی تھی۔

واضح رہے کہ 13 جون 1997 کو جنوبی دہلی کے گرین پارک میں اپہارسنیما میں فلم 'بارڈر کی نمائش کے دوران آگ لگنے کے بعد 59 افراد دم گھٹنے سے مر گئے تھے۔ اس کے بعد بھگدڑ میں 100 سے زائد افراد زخمی بھی ہوئے تھے جس کے بعد اس کیس کی سماعت جاری ہے۔