عام آدمی پارٹی کی طلبہ تنظیم سی وائی ایس ایس اور دہلی ٹیچرس ایسوسی ایشن (ڈی ٹی اے) نے دہلی یونیورسٹی سے وابستہ کالجوں میں تعلیمی سیشن 2021-22 میں طلباء کے داخلے سے متعلق شکایات کے ازالے کے لیے ایک شکایتی کمیٹی تشکیل دی گئی ہے۔ یہ کمیٹی ڈی یو میں اکتوبر سے شروع ہونے والے انڈر گریجویٹ میں داخلے کے عمل کے پیش نظر تشکیل دی گئی ہے۔
کمیٹی میں دہلی یونیورسٹی کے سینئر پروفیسرز، اسٹاف اور طلباء کو رکھا گیا ہے۔ کمیٹی کورونا کی وجہ سے طلبہ کو کسی بھی قسم کے درپیش مسائل کو آف لائن اور آن لائن کے ذریعے حل کرے گی۔
عآپ کی طلبہ تنظیم سی وی ایس ایس (چھاتر یووا سنگھرش سمیتی) دہلی اسٹیٹ کے صدر چندرامنی دیو نے بتایا ہے کہ طلبہ داخلہ سے متعلقہ مسائل کے بارے میں ان نمبروں پر واٹس ایپ کے ذریعے شکایات بھیج سکتے ہیں۔
9968571970 ، رتیش سریواستو
7982749205 ، رشی گپتا
9911669040 ، عادل انصاری
8860431804 ، وشواجیت کمار سنگھانیہ
9065448037 ، سنجے کمار
8375019223 ، سندیپ یادو
اس کے علاوہ طلباء delhi.cyss.09@gmail.com پر بھی ای میل کر سکتے ہیں اور مسئلہ واٹس ایپ کے ذریعے اس نمبر 8588833485پر بھی بتا سکتے ہیں۔
ڈی ٹی اے کے صدر ڈاکٹر ہنس راج سمن کا کہنا ہے کہ طلباء کو گھر میں بیٹھ کر داخلہ سے متعلقہ رسمی کام مکمل کرنا چاہیے۔ گھر میں محفوظ رہ کر اپنا داخلہ فارم پُر کریں، اگر فارم بھرنے کے دوران کوئی پریشانی ہو تو وہ دیے گئے نمبروں پر یا واٹس ایپ کے ذریعے معلومات حاصل کر سکتے ہیں۔
انہوں نے یہ بھی بتایا ہے کہ اگر داخلہ کے دوران کسی سرٹیفکیٹ کی عدم دستیابی، ایس سی / ایس ٹی / او بی سی کا ذات کا سرٹیفکیٹ یا کسی بھی قسم کی غلطی کی وجہ سے طلباء کے سامنے کوئی مسئلہ ہے تو پہلے کالج / یونیورسٹی سے رابطہ کریں۔
ڈاکٹر ہنس راج سمن نے بتایا ہے کہ وہ دہلی یونیورسٹی کی مرکزی داخلہ کمیٹی، شکایت کمیٹی، ایس سی، ایس ٹی داخلہ کمیٹی، ایس سی، ایس ٹی سیل داخلہ کمیٹی، داخلہ شکایت کمیٹی وغیرہ میں گزشتہ تین دہائیوں سے ہیں۔
انہوں نے بتایا ہے کہ بیشتر شکایات ایس سی، ایس ٹی، او بی سی کوٹہ کے ذات کے سرٹیفکیٹس کے بارے میں آتی ہیں۔ اس کے علاوہ، اگر ان کے پاس عام زمروں کے برابر نمبر ہیں، تو انہیں کوٹہ میں داخلے، او بی سی سرٹیفکیٹ کی تجدید نہ کرنے یا کسی دوسری ریاست کے ذات کے سرٹیفکیٹ کے حوالے سے سب سے بڑی پریشانی کا سامنا ہے۔ لیکن انہوں نے ان تمام مسائل کو وقت پر حل کر دیا ہے۔
انہوں نے بتایا ہے کہ پچھلے ڈیڑھ سال سے کورونا وبا کی وجہ سے، او بی سی کوٹہ ذات کے سرٹیفکیٹ نہیں بنائے گئے ہیں۔ ڈی ٹی اے اور سی وائی ایس ایس پیر کو قائم مقام وائس چانسلر سے ملاقات کر رہے ہیں تاکہ اس مسئلے کو حل کیا جا سکے۔
چندرامنی دیو نے یہ بھی بتایا ہے کہ ایس سی/ایس ٹی، او بی سی، پی ڈبلیو ڈی اور ای ڈبلیو ایس درخواست دہندگان کی شکایات کو دیکھنے کے لیے، ہر کالج میں ایک علیحدہ شکایت کمیٹی تشکیل دی گئی ہے جو کہ کالج کے تین ارکان پر مشتمل ہے اور ایک کوآرڈینیٹر کے طور پر کام کرتی ہے۔
مزید پڑھیں:پروفیسر کے عہدوں پر تقرری کے لیے پی ایچ ڈی کی لازمیت ختم: ڈاکٹر سمن
تاہم اس کے علاوہ ان کے مسائل کے لیے ایک رابطہ افسر موجود ہے۔ اس کے علاوہ ، کالج اپنی ویب سائٹ پر شکایات کمیٹی کے ارکان کے نام ، رابطہ نمبر اور ای میل پتے دکھائیں گے تاکہ طلبہ کو داخلہ سے متعلق کسی قسم کی پریشانی کا سامنا نہ کرنا پڑے۔ ان کا کہنا ہے کہ کسی بھی مسئلے کے لیے پہلے طلبہ مذکورہ کالج سے رابطہ کریں، جب یہ کالج کی سطح پر حل نہ ہو تو درخواست گزار کو مرکزی داخلہ شکایات کمیٹی سے رابطہ کرنا چاہیے۔
