اسپتال میں کورونا کی مریضہ سے جنسی استحصال کا الزام

یہ الزام گریٹرنوئیڈا کے نالج پارک علاقہ میں واقع نمبس اسپتال کے دو ملازمین پر عائد کیے گئے ہیں۔

اترپردیش کےگریٹر نوئیڈا کے علاقے نالج پارک پولیس اسٹیشن میں واقع ایک نجی اسپتال میں کورونا وائرس کی ایک مریضہ کے ساتھ جنسی استحصال کا معاملہ سامنے آیا ہے۔

یہ الزام اسپتال کے میں موجود نمبس کے دو ملازمین پر عائد کیے گئے ہیں، الزام کے مطابق انہوں نے خاتون کے ساتھ جنسی استحصال کی کوشش کی ، جس کے بعد متاثرہ خاتون کے شوہرنے اس کی شکایت پولیس میں کی۔

پولیس نے دونوں ملزمان کے خلاف مقدمہ درج کر کے انہیں گرفتار کر لیا ہے، ملزم کا نام لوکش اور سندر بتایا جارہا ہے۔

واضح رہے کہ اسپتال نے مریضوں کی دیکھ بھال کے لئے نمبس سے کچھ عملہ تقرر کیا ہے۔ اس کے تحت یہ ملازمین اسپتال میں طبی سہولیات مہیا کررہے تھے۔