میوات: بدعنوانی کے خلاف کانگریسی کارکنان کا احتجاج

ریاست ہریانہ کے ضلع نوح میوات میں کانگریس پارٹی ہریانہ کی صدر کماری شیلجہ کی قیادت میں کانگریس اراکین اسمبلی اور کارکنان نے حکومت ہریانہ کے خلاف زبردست احتجاج کیا۔

کانگریس اراکین کا کہنا ہے کہ گزشتہ چھ برسوں میں ہریانہ میں شراب بدعنوانی رجسٹری بدعنوانی اور دیگر قسم کی بد عنوانیاں کی گئی ہیں اور عوام کو لوٹا گیا ہے۔ حکومت کے ذریعے مسلسل بدعنوانیوں کو دبانے کی کوشش بھی کی جاتی رہی ہیں ان تمام بدعنوانیوں کی جانچ ہائی کورٹ کے سیٹنگ جج سے کروائی جائے۔

کانگریس اراکین نے حکومت کے خلاف نعرے بازی اور تیل کی قیمتوں میں اضافے کے ساتھ بدعنوانیوں کے خلاف میں حکومت کو جم کر نشانہ بنایا۔ غور طلب ہے کہ آج کے دن کانگریس پارٹی کی صدر کماری شیلجہ کی ہدایات کے مطابق ہریانہ کانگریس پارٹی نے ریاست بھر میں احتجاج کیا اور اسی ضمن میں مظاہرہ کرتے ہوئے گورنر کے نام ڈپٹی کمشنر کی معرفت میمورنڈم سونپا۔ ان تمام بدعنوانیوں کی جانچ کرنے کا مطالبہ کیا۔

کانگریس پارٹی صدر کماری شیلجہ نے پریس کانفرنس کے دوران کہا کہ بی جے پی اور جے جے پی روز گار دینے اور بدعنوانی ختم کرنے کے نعرے کے ساتھ حکومت میں آئی تھی لیکن اب حکومت کا سارا زور بد عنوانی بڑھانے میں ہے۔

انہوں نے کہا کہ' گذشتہ چھ برسوں کے دوران اس حکومت میں کئی بدعنوانیاں کی گئیں ہیں، دھان خریداری میں بد عنوانی، اراولی زمین کے استعمال میں بدعنوانی، روڈویز کلومیٹر اسکیم بد عنوانی، ایچ ایس ایس سی تقرری بد عنوانی،بجلی میٹر بدعنوانی، چاول اور شراب بد عنوانی سمیت لمبی فہرست ہے۔

اس موقع پر رکن اسمبلی آفتاب احمد، رکن اسمبلی محمد الیاس، رکن اسمبلی مامن خان، سابق رکن اسمبلی شہید خان، کانگریسی رہنما ابراہیم انجینئر، ریاستی ترجمان خالد حسین، محمدی بیگم، سمیت کانگریس کارکنان کی بڑی تعداد موجود رہی۔