اس احتجاج میں فیروزپور جھرکا سے رکن اسمبلی انجینئر مامون خان اور نوح سے رکن اسمبلی آفتاب احمد کے چھوٹے بھائی پی سی سی رکن مہتاب احمد، سابق رکن اسمبلی شہید خان، انجینئر ابراھیم سمیت کانگریس کے متعدد کارکنان موجود رہے، اس احتجاج میں کسان رہنما ڈاکٹر رفیق آزاد نے بھی شرکت کی۔
میمورنڈم میں 3 اپریل کو ہریانہ کے روہتک میں کسانوں پر ہوئے لاٹھی چارج میں زخمی کسانوں کے معاملے کو اٹھایا گیا۔ مزید یہ بھی اپیل کی گئی ہے کہ لاٹھی چارج کا حکم دینے والے افسران کے خلاف کاروائی کی جائے۔
اسی طرح کسانوں کے خلاف اشتعال انگیز بیانات دینے والے رہنماؤں کے خلاف بھی کارروائی کا مطالبہ کیا گیا۔ کانگریس رہنما نے گورنر سے تینوں زرعی قوانیں کو واپس لینے کے لیے مرکزی حکومت پر دباؤ بنانے کی اپیل بھی کی۔
