دہلی کے وزیراعلیٰ اروند کیجریوال اور نائب وزیراعلیٰ منیش سسودیا نے آج چھترپور کے علاقے کے رادھا سوامی ستسنگ بیاس کیمپس کا دورہ کیا۔
وزیراعلیٰ اروند کجریوال نے چھترپور کے رادھا سوامی ستسنگ بیاس کیمپس کا معائنہ کیا کیمپس میں کورونا مریضوں کے لیے 10 ہزار بستروں پر مشتمل عارضی اسپتال بنایا جارہا ہے۔ وزیر اعلیٰ اروند کیجریوال نے نامہ نگاروں سے بات کرتے ہوئے بتایا کہ ہم بنائے جارہے اسپتال کا معائنہ کرنے آئے ہیں۔
واضح رہے کہ دارالحکومت دہلی تقریبا 47 ہزار کورونا کیس کے ساتھ ملک میں تیسرے مقام پر پہنچ چکا ہے۔ آنے والے وقت میں جنوبی دہلی کے چھتر پور علاقے میں رادھا سوامی ستنسگ بیاس میں 10 ہزار بستروں کا انتظام کیا جارہا ہے تاکہ مریضوں کے علاج معالجے میں کسی قسم کی کوتاہی نہ ہو۔
چند روز قبل لیفٹیننٹ گورنر انیل بائجل بھی معائنہ کے لیے رادھا سوامی ستنسگ بیاس کیمپس پہنچے تھے اور آج وزیر اعلی کیجریوال اور نائب وزیر اعلی منیش سسودیا کیمپس کا معائنہ کرنے پہنچے تھے۔
