نماز کے لیے جارہے 17 افراد کو کار نے کچلا

دارالحکومت دہلی کے مشرقی علاقے میں عید کے موقعے پر ایک تیز رفتار کار نے نماز کے لیے جا رہے 17 افراد کو کچل دیا۔

یہ واقعہ مشرقی دہلی کے کھریجی علاقے میں پیش آیا۔ حادثے کے بعد مقامی لوگوں نے انتظامیہ کے خلاف احتجاج کرنا شروع کر دیا۔

ڈپٹی کمشنر میگھنا یادو نے بتایا کہ سبھی زخمی افراد کو ہسپتال منتقل کیا گیا ہے اور ملزم کے ٹھکانے کو دھونڈھ لیا گیا ہے۔

لوگوں کا الزام ہے کہ پولیس کو پہلے سے یہ اطلاع تھی کہ اس علاقے میں لوگ نماز کے لیے جمع ہوں گے اور یہاں بھیڑ ہوگی۔ پھر بھی علاقے میں سکیورٹی کے انتظامات نہیں کیے گئے۔

پولیس کے مطابق اس حادثے کی جانچ کا عمل شروع ہو چکا ہے۔