گزشتہ ایک ہفتے میں اس طرح کا یہ دوسرا واقعہ ہے۔ دہلی میٹرو ریل کارپوریشن (ڈی ایم آر سی) نے ٹویٹ کر کے یہ معلومات دیتے ہوئے کہا 'قرول باغ میٹرو اسٹیشن پر ایک مسافر کے ٹریک پر کود جانے کے بعد ریلوے خدمات متاثر ہوئی ہے'۔
قرول باغ میٹرو ٹریک پر ایک مسافر کے کودنے سے بلو لائن متاثر
دہلی میٹرو کے قرول باغ اسٹیشن پر آج صبح ایک شخص کے ٹریک پر کود جانے سے دوارکا سیکٹر 21 اور راجیو چوک کے درمیان چلنے والی بلو لائن سروس تقریباً آدھے گھنٹے تک متاثر رہی جس کی وجہ سے مسافروں کو کافی مشکلات کاسامنا کرنا پڑا۔
قرول باغ میٹرو ٹریک پر ایک مسافر کے کودنے سے بلو لائن متاثر
ڈی ایم آر سی نے کچھ دیر بعد ایک مزید ٹویٹ میں کہا کہ خدمات بحال کر دی گئی ہیں۔ تاہم مسافروں نے اس کے بعد بھی میٹرو کے کافی وقفے وقفے پر چلنے کا الزام عائد کیا اور میٹرو سروس میں تاخیر ہونے پر سخت ناراضگی بھی ظاہر کی ہے'۔
واضح ر ہے کہ میٹرو ٹریک پر مسافروں کے کودنے کے واقعات میں اضافہ ہو رہا ہے۔ اس سے قبل جمعرات کو دوارکا موڑ میٹرو اسٹیشن پر ایک مسافر ٹریک پر کود گیا تھا جس کے وجہ بلو لائن کی خدمات تقریبا ایک گھنٹے تک متاثر رہی تھی۔ اس طرح کے بڑھتے واقعات کو مدنظر رکھتےہوئے مسافروں نے ڈی ایم آر سی سے تمام میٹرو اسٹیشن پر خود کار ( آٹومیٹک ) دروازے لگانے کی اپیل کی ہے۔