رمضان المبارک میں عبادتوں کے ساتھ ساتھ دسترخوان پر بھی تبدیلی دیکھنے کو ملتی ہے جہاں افطار میں کھجور سمیت پھلوں اور پکوانوں کا استعمال کیا جاتا ہے۔ وہیں سحری کے وقت بیکری آئٹم اور کھجلہ پھینی کھا کر ہی روزہ رکھا جاتا ہے۔ اسی لیے رمضان المبارک کے اس مقدس مہینے میں بیکری میں تیار ہونے والی اشیاء کی خرید و فروخت میں بھی مزید اضافہ دیکھنے کو ملتا ہے حالانکہ بڑھتی مہنگائی کی وجہ سے بیکری مالکان پریشان ہیں اور نہ چاہتے ہوئے بھی قیمتوں میں انہیں اضافہ کرنا پڑھ رہا ہے۔
ای ٹی وی بھارت کے نمائندے سے بات کرتے ہوئے بیکری کے مالک نے بتایا کہ ان کی بیکری پر مختلف اقسام کی شیرمال، پرانٹھے سمیت دیگر اشیاء دستیاب ہوتی ہیں جسے روزے دار صحری میں نوش فرماتے ہیں البتہ بڑھتی مہنگائی نے ان کی نیند اڑائی ہوئی ہے۔ گذشتہ دو برس سے کرونا وائرس کی مار جھیل رہے بیکری مالکان رواں برس رمضان المبارک کی مناسبت سے پر امید ہیں کہ اس سال پورے جوش و خروش کے ساتھ خریدار رمضان المبارک میں خریداری کریں گے اور ان کے کاروبار میں تیزی آئے گی۔