ایمس میں کل سے شروع ہوگی او پی ڈی

ملک بھر میں تیزی سے پھیل رہے کورونا وائرس کے معاملوں کے درمیان ایک راحت بھری خبر ہے کہ ملک کے آل انڈیا انسٹی ٹیوٹ آف میڈیسن ایمس 25 جون سے او پی ڈی کی سہولت دوبارہ شروع کرنے جارہا ہے۔ لاک ڈاون میں تین ماہ تک او پی ڈی سہولیات بند رکھی گئی تھی۔

لاک ڈاؤن میں تقریبا تین ماہ کے بعد 25 جون سے ایمس او پی ڈی کی سہولت دوبارہ شروع کرنے کا فیصلہ کیا گیا ہے۔ اس میں محدود تعداد میں مریضوں کو دیکھا جائے گا۔ اس کے لیے تمام متعلقہ محکموں نے اپنی تیاریاں شروع کردی ہیں لیکن یہ تمام سہولیات صرف ہسپتال میں صبح کے وقت چلنے والی او پی ڈی کے لیے ہوں گی، شام میں چلنے والی او پی ڈی اب بھی بند رہے گی۔

او پی ڈی شروع کرنے کی نوٹس جاری

ایمس نے جاری کردہ اپنی ہدایت میں کہا ہے کہ او پی ڈی میں دکھانے کے لیے مریض کو پہلے اپوائنٹمنٹ لینا ضروری ہے۔ محکمہ کو یہ حق حاصل ہوگا کہ وہ جسمانی او پی ڈی میں مریض کو بلاتا ہے یا ٹیلی مشاورت کے ذریعہ ان کی جانچ کر کے دوائیں تجویز کر تا ہے۔ اس دوران جن مریضوں کو اپوائنٹمنٹ دی جائے گی ان کے نام اور موبائل نمبر کے ساتھ ان کا ریکارڈ بھی رکھا جائے گا۔